UNA-Bloque por Asturies Carreño

UNA-BA votó a favor de les mociones presentades nel plenu d’ayer por considerar que finen col privilexu de los políticos municipales con dedicación exclusiva que durante los últimos años gobernaron Carreño. El dineru emplegao en lliberaraciones nos últimos mandatos de Ángel Riego suponíen un auténticu escándalu, y a pesar d’ello, l’actual Teniente Alcalde, Amelia Fernández, pretendía subise el sueldu con respecto al de la so antececesora, Aurea Gutiérrrez.

La clase política nun puede ser un grupo de persones con privilexos económicos por encima del restu de la ciudadanía, más nun momentu nel que los y les trabayadores y paraos del conceyu sufren les graves consecuencies de la crisis. Por eso apoyamos que la conceyala lliberada de la Casa Conceyu venga a cobrar una cantidá asemeyada al salariu mediu que perciben los trabayadores de Carreño: 19.990 euros según publicó la Sociedad Asturiana de Estudios Económicos e Industruiales (SADEI).

Amás, nel grupu de gobiernu del PSOE cuenten con dos persones xubilaes, el propio Alcalde y otru conceyal, Oscar González, polo que cuenten con un total de 3 persones a dedicación exclusiva, cantidá más que suficiente pa ofrecer un bon servicu a los vecinos y vecines del conceyu.

Al mesmo tiempu, pal grupu municipal de UNA-Bloque por Asturies ye necesaria la creación d’una Comisión Informativa Especial d’entidades y organismos esternos (COGERSA, Puerto de Xixón o SOGEPSA) ya que puede suponer el fin del oscurantismu informativu al que nos tenia avezao el PSOE. Asina mesmo consideramos positivo que les dietes que cobren estos representantes nestos organismos externos reviertan (el 90%) nes arques municipales pa beneficio de los y les ciudadanes de Carreño.

El conceyal de UNA-Bloque por Asturies, Roberto Holgado manifestó nel plenu que “l’aprobación d’estes mociones suponen la defensa de los valores de la izquierda y vemos positivo qu’otres fuerces se sumen a vindicaciones históriques de la nuesa organización”.

Por otra parte calificó l’actuación del Alcalde de nombrase así mesmo por decreto representante del ayuntamiento en tolos organismos esternos “d’un acto de autoritarismu incompatible cola condición democrática d’un Ayuntamientu”.

Roberto Holgado manifestó que “lo que guei facemos defendiendo estes mociones ye actuar conforme al sentir popular del movimientu 15 M porque se fina col privilexo de la clase política y s’aumenta la ìnformación pública a los ciudadanos”

Munches gracies a tolos y toles  qu’ apoyasteis la candidatura de la coalición  UNA -Bloque por Asturies en Carreño. Gracies pola vuesa confianza, porque por tercera vez consecutiva la izquierda asturianista tará representada  na Casa Conceyu de Carreño.

Seguiremos trabayando por Carreño y por Asturies como siempre: con ilusión y  compromisu.

GRACIES

Añu tras añu, vemos como la identidá de Candás, la so trama, la so arquitectura popular, el so cálter de villa marinera va morriendo poco a poco.

¿Tien que ser, necesariamente, el nuevu urbanismu dalgo que rompa colo anterior, qu’espilfarre en materiales, qu’ imponga arrogancia y marafundiu? ¿Son delirios de grandeza o complexos d’inferioridá?

Los años de los Titanic y los Calatravas toquen a su fin. Seyamos nós mesmos, que ye más baratu.

Ayer anunciamos una nueva muerte: La Plaza de La Baragaña.

(más…)

El sucursalismu de los grandes partíos políticos

Los abusos del ladrillu

Dempués de 10 años de retrasu, el documentu que se va aprobar, amagostao y diseñao ente IU y PSOE, cola complicidá d’URAS, non resuelve los graves problemas de Carreño nin sienta les bases pa intentar resolvelos

Esti Plan Xeneral sigue ampliando les zones destinades a les grandes industries, y sigue proyectando nuevos polígonos industriales.

Nun resuelve los problemes d’aparcamientu. Nun pon frenu a la degradación ambiental. Dexa sin resolver el pasu de les víes de FEVE por Candás y Perlora.

Plantea una ampliación de la zona Urbana de Candás que non respuende a nengún estudiu poblacional, sinon que sólo busca favorecer un urbanismu depredador y especulativu.

Tampoco sirve pa protexer adecuadamente el patrimoniu arquiteutónicu, natural, hestóricu, arqueolóxicu o industrial del conceyu.

(más…)

Pincha equí pa ver el vídeu

Pincha equí y conocerás la pesadilla

Pincha equí y accede al videu del actu electoral del pasáu vienres, nel Centru Polivalente

Casi una docena de partíos se presenten a estes elecciones nel Conceyu de Carreño, pero empieza a danos las sensación que ye como si se presentaren trés o cuatro. Porque los demás, incluso antes d’entrar nel Ayuntamientu, paez que yá asumieron el so rol de nula oposición o de socios del Gobiernu, que pal casu da lo mesmo.

Ésa ye la conclusión que sacamos tres el debate electoral celebráu nel Teatru Prendes el pasáu llunes, organizáu y moderáu pola Asociación de Vecinos de Candás.

(más…)

Nel nueso conceyu,  aunque cada día con más dificultaes, esiste un mediu rural vivu: Un sector primariu, el del campu y la pesca que, día a día, modela un paisaxe qu’inda mantién el calter del nuesu conceyu, que nos fai siguir siendo lo que somos.

Y ye que nun escaecemos que’l campu de Carreño siempres foi ún de los más productivos de tola rasa costera cantábrica. Unes condiciones agronómiques óptimes pa producir sidra, mazanes, hortalices, carne, lleche y hasta naranxes o vinu. Na metá del sieglu XX, cola llegada de les grandes empreses industriales, entamóse un procesu d’arrequexamientu del sector primariu. Esti procesu de desmantelamientu foi alendáu por un mal entendíu sentíu del progresu de los nuesos políticos gobernantes, y por una dura presión especuladora sobre el suelu.

(más…)

Durante 50 años, la Ciudá de Vacaciones de Perlora fue un motor económicu de primer orden pa Carreño y p’Asturies. El 12 d’Avientu de 2005, el PSOE, un partiuo que se diz d’izquierdes, ordena la demolición de la Residencia Jacobo Campuzano   y entama a privatizar el complexu residencial, poniendo fin a la Ciudá de Vacaciones de Perlora.

Un procesu que tien responsables claros: Ana Rosa Migoya, Jaime Rabanal, Ángel Riego y Javier Becerra (xerente del complexu). Toos ellos facilitaron y favorecieron el pieslle de la CV de Perlora.

Un procesu oscurantista, con errores técnicos, lleno de desprecios, d’engaños y de mentires a los vecinos y vecines de Perlora y a los trabayadores de la Ciudá de Vacaciones, sin permitir debate, propuestes ni alternatives.

(más…)